Scholes hoin Oldham an chak chiang

Oldham Athletic manager thar Paul Scholes chuan a club a kaihhruaina hmasa berah chiang takin hnehna a chanpui nghal a, League Two inkhelah Yeovil Town chu 4-1 in an sawp.

Paul Scholes-a team tan Jose Baxter, Callum Lang-ten goal an khung hnuah Yeovil-in  Bevis Mugabi hmangin si phurh rawn sut ṭhen ve mah se Mohammed Maouche leh Christopher Missilou-ten goal khung belhin Oldham an chak chiang. 

Manchester United legend Scholes chuan, "Result duhawm tak ni mahse hei hi kan tan bul ṭanna chauh a ni a, fixture hautakin min hmuak mek tih ka hria a ni. Goal kan khung danah pawh ka lawm a, he team-ah hian talent a awm thu pawh hi ka press conference-ah khan ka sawi a ni," a ti. 

Kum 44 mi Scholes hi England international hlui zingah tun season-a English Football League-a manager hna a vawi khat nana chelh palina a ni. 

Scholes bakah hian Derby County manager Frank Lampard, Fleetwood Town manager Joey Barton leh Macclesfield boss Sol Campbell-te chuan tun season-ah EFL-ah an manager career an ṭan.