East Bengal boss a ṭawng fimkhur

Vawiin tlai dar 5:00-ah I League match khelh tur a awm dawn a, East Bengal chuan Shillong Lajong an mikhual dawn. Meghalaya club hi I League table-ah a mawng berah awm mah se East Bengal coach Alejandro Menendez chuan zuam sual theih an nih thu a sawi.

Alejandro Menendez chuan, "Kan khingpuite hi kan zah an ngai. Team naupang tak an ni mai thei a, mahse player ṭha tak tak an kawl nual a ni. Kan khingpui te ngaihthah tak chunga kan khel a nih chuan point thum kan hlawh chhuak thei lo ang," tiin a ṭawng fimkhur hle. 

East Bengal hian an league match hnuhnung pangaah hnehna chang vekin an phur vanglai tak a ni a, table-ah palina dinhmun luah mekin hmahruaitu Chennai City chu match hniha khel tlem zawk chungin point ngain an phak lo mek. 

Shillong Lajong hi table mawngah an awm chungin an match hnuhnung pahnihah an chak ve ve a, Kolkata club tan zuam sual theih tur an ni.