Wozniacki a inhnukdawk

Qatar Open khelh mekah world number 1 hlui Caroline Wozniacki chu damlohna vangin hun tepter tawh takah a inhnukdawk a, season hmasa Australian Open champion hi a inkhelh theih loh avangin a khingpui tur chu a vanneih phah.

Kum 28 mi Wozniacki hi thla hmasa khan Maria Sharapova hneh loin Australian Open aṭangin a tla a, a hnuah mimal inelna a la hmachhawn leh rih lo. Wozniacki chuan, "Ram tan Fed Cup kan khel a, chumi hnuah Doha lama inelna hmachhawn turin ka kal nghal. Training ka neih laiin ka malpui veilam a nat avangin inkhel zui thei ka ni lo," tiin a sawi.

Qatar Open-ah hian a ni hmasa berah player langsar ṭhenkhatin hnehna chang turin vanneihna an mamawh tel. Kiki Bertens chuan set thum an khelh hnuah Camila Giorgi 0-6, 7-6 (9-7), 6-4 in hnehna a chang, match lehpekah chuan Ons Jabeur hnehtu Carla Suarez Navarro nen an inhmachhawn leh ang.

World number 1 Naomi Osaka inhnukdawk tawh bawk mah se Simona Halep, Karolina Pliskova, Angelique Kerber leh Elina Svitolina te an inlan dawn avangin Qatar Open hian ngaihven a hlawh zual hle.