Goa khelmualah ATK leng dawn

Indian Super League-ah semifinal inchuh boruak a sang zel a, zanin dar 7:30 hian a sang pali zinga tel inbeisei ATK chuan khualmualah pathumna nilai FC Goa an lenchilh dawn. 

FC Goa hian season bul an ṭan ṭha viau chungin Asian Cup zawh hnu lamah beisei ang result an nei thei lo a, an match hnuhnung pathumah vawi khat chiah chakin goal hnih an khung!

ATK hi chuti lua an ni bik lo. Match hnuhnung pathumah vawi khat chiah an chak ve tho a, a sang pali zinga an tel beiseina chhi nung tur chuan FC Goa an hneh a ṭul ang. 

Kolkata club hian hnehna an chang a nih chuan Goa hi point khat chiahin an thlau tawh dawn tihna a ni a, Goa hian hnehna an chan erawh chuan nizana Mumbai City leh NorthEast United inkhel result a zirin pahnihnaah an chho thei thung dawn a ni.