RFL Plastics MFA Futsal League Table chung berah Chanmari Zothan

MFA Futsal League Season 2 chu Electric Veng YMA Indoor Stadium-ah khelh chhunzawm zel a ni a, Thawhlehni zan khan Chanmari Zothan Futsal chuan Armed Veng South FC 6-5 a hnehin group A hmahruaitu an ni a. Inkhel dangah Laipuitlang club Laipui FC chu Saron Veng FC laka an mualpho avangin Chanmari Zothan hi he group-a chak vek awm chhun an ni bawk.

Vawiin hian round 5 khelh chhunzawm a ni dawn a, Laipui FC leh Chanmari Zothan-te match hmasa berah an khel dawn a, inkhel a hmuhnawm nghal ang.