MSL playoff Ramhlun chak hmasa

Tualchhung basketball inelna sang leh ngaihhlut ber, Mizoram Super League khel tur zawnna MSL playoff chu Thawhlehni zan khan Hawla Indoor Stadium-ah khelh a ni a, match hmasa berah Ramhlun Sporting Club chuan Zarkawt Serpents 76-70 in an hneh.

Zanin dar 7:00 hian a hmun ngaiah game 2 khelh a ni dawn a, Ramhlun hian hnehna an chang a nih chuan an tlang ang. Serpents lamin hnehna an chang lêt a nih erawh chuan Zirtawpni zanah game 3 khelh tur a ni ang.

MSL hnuhnung berah khan Serpents hi league round bikah a hniam ber dawt an ni a, an hnuaia awm BC Bethlehem chu an tla tawh.

Champion lai Zarkawt BCA, Khatla TBL, Tuikual South leh Mission Veng Vikings leh playoff paltlang ten MSL season 6 an khel dawn a ni.