Liverpool tlarhnung an buai

Premier League club Liverpool chuan karleh Thawhlehni zan khian Champions League match khel turin Bayern Munich an mikhual dawn a, last 16 inkhel tur atan hian tlarhnungah buaina an tawk mek. 

Tun season-a Liverpool chet ṭhat nana player pawimawh Virgil van Dijk chu group stage-ah yellow card pali a hmuh avangin Bayern a hmachhawn thei dawn lo a, Dejan Lovren leh Joe Gomez an la inhliam mek bawk.

Reds hian tlarhnung laiah Joel Matip chu senior player zinga chhawr tlak an neih awmchhun a ni rih a, Fabinho chu a laiah awmtirin Matip nen hian an inkawp mai a ngai dawn niin a lang.