Kiwis-in India sawp

India leh New Zealand chuan T20 match thum an khelh tura hmasa ber chu nimin khan an khel a, Kiwis hian 80 runs-in hnehna an chang.

Wellington Regional Stadium-ah Virat Kohli a awm loh avangin Rohit Sharma chu captain a ni a, ṭhumvawrah India hi chakin vawm hmasak an thlang.

New Zealand opener Tim Siefert chuan ball 43 lekah run 84 an siam a, Colin Munro leh Kane Williamson ten run 34 ve ve siam bawkin over 20-ah run 219 siamin wicket ruk an hloh. 

Mualneitu target siam hi a tam lutuk hret a, India batsman te chet chhiat ṭum a ni ve hrim hrim bawk. Rohit Sharma chuan run khat lek a siam a, run vaw chhuak tam ber MS Dhoni pawhin run 39 lek a a vaw chhuak. Men in Blue hi over 19.2-ah run 139 siamin an thi fai vek.

Man of the match Tim Seifert chuan, "Series ṭan nan chuan duhthusam a ni a, New Zealand team tana min thlan chhan ka tihlawhlting thei hi ka lawm," tiin a sawi.

India captain Rohi Sharma chuan, "Run 200 chuang vuak chhuah a ngaih kha chuan a harsa dawn tih a chiang a, tun hmain hetiang hi um thei tawh mah ila batsman te kan che ṭha lo. Target um turin team ṭha tak ni mahila kan chet ṭhat ṭum a ni lo a ni," tiin New Zealand-in chak an phu zawk thu a sawi.

February 8, Zirtawpni chawhma dar 11:30-ah hian New Zealand leh India ten T20 match hnihna an khel leh ang.