Group B hmahruaitu IDBI Tuikual North
RFL Plastics MFA Futsal League Season 2-ah IDBI Capital FC, Tuikual North chuan Thawhlehni zan khan Ramthar club Whetstone FC chu 4-3 in a hneh a, group B aṭangin match hnih khelh tawh a chak ve ve awmchhun niin hmahruaitu an ni. Zanin hian group B ten Electric Veng YMA Hall-ah round 3 an khelh chhunzawm ang.
A ngaihnawm ta
Chhinga Veng bul ṭan dan a ṭha a, match hnihnaah Zonuam FC-in an barakhaih. Electric Veng FC an vengah an la êng zo lo a, goal 16 luhna inkhelah FC Bungkawn-in an chelh.
IDBI FC Tuikual North an tlo a, Ramthar club Whetstone FC 4-3 in an hneh. Derby match hmuhnawm tak hmagin round 2-na khar a ni a, Durtlang FC-in FC Leitan 8-6 in an hneh.
Match tin a pawimawh
Team pariat an inkhel vek dawn a, a sang paliin quarterfinal an lut dawn. Group B-ah FC Leitan chiahin point an hmu tawh lo a, zaninah Whetstone FC nen an inkhel dawn.
Zonuam FC-in hmahruaitu IDBI Capital an hmachhawn dawn a, Electric Veng leh Durtlang bakah Chhinga Veng leh FC Bungkawn inkhel turte a pawimawh vek ang.