Entu nei lo Marseille an chak

Marseille chuan ni­kum November thla hnua a vawi khat nan an khel­mualah hnehna an chang ve leh ta a, fans awm loh­na inkhelah hian an mikhual Bordeaux 1-0 in an hneh.

Thawhlehni zan French ligue 1 inkhelah Marseille tan Boubacar Kamara chuan minute 42-naah goal awmchhun a tauh lut. Bordeaux win­ger Samuel Kalu chu Lucas Ocampos a tih tluk vangin hnawhchhuah a ni a, hei vang hian minute 65 chhung chu player kim loa an khelh a ngaih phah a ni.

French club Marseille hi nikum September thla khan Eintracht Frankfurt nen Europa League an khelh chu entu nei lo turin hrem an lo ni tawh a, tun hnaiah Lille nen an inkhelh ṭumin fans lamin buaina an siam avangin entu nei lo turin an hrem leh. 

Marseille coach Ru­di Garcia pawh Lille nen an inkhelh ṭuma hnawhchhuah a nih avang­in a naute a en­kawl thei lo a, match hnih atan hrem a ni. Garcia chuan, "Fans awm loa in­khelh chu football a ang lo hial, hnawhchhuah ka nih hi chu thuhran ni se, fans awm thei lo kha a pawi lai ber chu a ni," tiin a sawi.