Highlanders khelmualah Dynamos

Indian Super League khelh mekah zanin dar 7:30 hian match khat a awm dawn a, Asian Cup vanga chawlh hman a nih hnua harhna chang Delhi Dynamos leh semifinal khelh tum NorthEast United an inkhel ang. 

January-a ISL chawlh hman a nih hma khan Delhi hian match 12-ah vawi khat chiah chak an nei a, vawi sarih tlawmin vawi li an khingpui an inhnehtawkpui.

Mahse, Asian Cup chawlh chhungin Delhi club an insiamṭha a, thlasik chawlh hman zawh hnua match hnih an khelh aṭang­in point li an nei - North­East United tan zuam sual theih an ni, tihna a ni. 

Highlanders hian table-ah chuan palina dinhmun la luah mek mah se an hnuaia awm Jamshedpur leh ATK-in an thlauhna hi point thum chiah a ni a, vawi khat chetsual a pawi ang. 

Delhi tan hian Lallian­zuala Chhangte leh Daniel Lalhlimpuia te chu pla­yer pawimawh an ni a, NorthEast United hian Robert Lalthlamuana, K. Lal­ṭhathanga leh Lalrem­puia Fanai te an kawl bawk.