March 15-ah Super Cup

I League leh Indian Super League club te inelna Super Cup chu March 15 hian khelh ṭan a ni dawn a, inelna neihna tur hmun hi Bhubaneshwar niin April 13 thleng a awh ang. 

Super Cup-ah hian team 20 an tel dawn a, I League-a a mawngphah luahtu club an tel ve dawn lo. ISL leh I League-a top six chin club chu tling chiang an ni ang a, a hnuai lam club pali ve vein qualifiers an khel thung ang. 

Qualifier-ah hian match li khelh a ni dawn tihna a ni a, March 15 leh 16-ah khelh zawh a ni ang. March 29 aṭangin final round an khel leh ang a, April 13-ah final khelh a ni dawn a ni. 

Season hmasa Super Cup-ah khan Bengaluru FC an champion a, Khalid Jamil-a enkawl East Bengal chu 4-1 in an sawp.