AFC Futsal Club Championship-ah Nagoya Oceans an champion

Kum 2010 aṭanga kum tina neih ṭhin AFC Futsal Club Championship chu August 7-17, chhung khan Bangkok, Thailand-ah neih a ni a. August 17 zana final khelhah Japanese club Nagoya Oceans chuan Iranian club Mes Sungun chu 2-0 a hnehin an champion.

Inelna ṭantirh hian team 10 an tel a, tun ṭumah hian ram 16 aṭangin team 16 an tel. Iran club-te'n record nei ṭha berin vawi li an champion tawh a, hetiang zat bawk hi pahnihna ni tawhin vawi khat pathumna an ni tawh bawk. Tun ṭuma champion Nagoya Oceans hian 2011, 2014 leh 2016 khan nomawi an chawi tawh a, club mal anga record nei ṭha ber an ni. Kumin inelnaah hian Nagoya Oceans player Tomoki Yoshikawa chu best player-a thlan a ni.