MVA Season Opening

Mizoram Volleyball Association buatsaih MVA Season Opening Tournament 2019 chu vawiin aṭang hian R. Dengṭhuama Hall-ah khelh ṭan a ni dawn a, vawiin hian inkhel pathum a awm nghal ang.

MVA Season Opening Tournament hi August 16, Zirtawpni zan khan a khuhhawnna neih a ni tawh. Tun ṭumah hian Chhinga Veng Spikers, Durtlang North, Hunthar, TNT, Tuichangral leh Chanmari West te an awm.

Mipa team paruk hi pool pahnihah ṭhen hran an ni a, an inkhelh kual hnuah a sang pahnih ten semifinal an lut ang. August 24 zanah a hmawr bawkna neih a ni dawn a ni.

Hmeichhe lamah Kanan, Bungkawn, Bethlehem Vengthlang leh Durtlang te an awm a, an inkhelh kual vek hnuah point hmu sang pahnih ten nomawi an inchuh ang.