MBA Junior Ranking Tournament 2019 zo

Bethlehem Badminton Club-te buatsaih Mizoram Badminton Association Junior Ranking Tournament 2019 chu Inrinni khan zawhfel a ni ta. 

August 12 aṭanga neih ṭan inelnaah hian category hrang hrang 15-ah inelna neih a ni a, players 223 in inelna hmachhawnin entry hi a vaiin 305 a awm bawk a ni. 

Bethlehem YMA Hall-a neih badminton tournament ngaihhlutah hian Mizoram hmun hrang hrang aṭangin badminton club 35 aṭangin player an inlan a, match 270 ngawt khelh a ni.