BFI-in annual meeting an nei
Basketball Federation of India (BFI)-in February 6, Inrinni khan Karnataka Olympic Bhawan, Bengaluru-ah Executive Committee, Annual General Body Meeting leh Felicitation Ceremony an hmang.
Mizoram Basketball Association (MBBA) aiawhin treasurer Zosangzuali, Zarkawt leh financial secretary Lalremsiama Hrahsel, Luangmual te an tel a ni.
Meeting-ah hian 2019-2020 report ngaihthlak a ni a, 2021-2022 atan budget siam a ni. Indian basketball team telna turte pawmpui a ni a, National Basketball Championship hrang hrang neihna tur leh hmun te sawi ho a ni.
Khelo India Youth Games vawi lina chu Haryana-ah neih a ni dawn a, kumin vek hian mipa leh hmeichhe tan Indian Basketball League buatsaih tum a ni bawk.
BFI chuan a vawi khat nan basketball huanga Padma Shri, Arjuna leh Dhyan Chand Awardee tawh zawng zawng te chawimawina hun a hmang a, Karnataka home minister Basavaray Bommai-a'n a telpui.
Basketball huang aṭanga Award lo la tawhte:
A. Padma Shri Awardee
1 Prashanti Singh 2019
2 Anitha Paul Durai 2020
B. Arjuna Awardee
1 Hari Dutt Kapri 1969
2 Gulam Abbas Moontasir 1970
3 Man Mohan Singh 1971
4 Surendra Kumar Kataria 1973
5 Hanuman Singh 1975
6 T. Vijayaragavan 1978
7 Om Prakash Dhull 1979-80
8 Ajmen Singh 1982
9 Suman Sharma 1983
10 Sajjan Singh Cheema 1999
11 Parminder Singh 2002
12 Geethu Anna Jose 2014
13 Prashanti Singh 2017
14 Vishesh Bhriguvanshi 2019
C. Dhyan Chand Awardee
1 Ram Kumar 2003