NorthEast coach thar Jarni

Indian Super League club NorthEast United chuan Croatia international hlui Robert Jarni chu coach thar atan an lalut a, kum 50 mi coach hi India coach Igor Stimac nen 1998 FIFA World Cup-a pathumna Croatia team-ah khan an tel. 

Croatia tana vawi 81 inlan thei Jarni hian Real Betis, Real Madrid leh Juventus tan pawh a lo khel tawh a, an ram football team leh futsal team tana inlan kawp thei hmasa ber a ni bawk. Kum 2007 khan an ram club ṭha Hajduk Split-ah a coaching career a ṭan a, Croatian club tho NK Istra 1961-ah a kal zui a, Hungarian club Pecsi MFC leh Puskas Akademia FC a enkawl tawh a, Bosnian club FK Sarajevo a enkawl bawk - a enkawl hnuhnung ber erawh Croatia Under 19 (2017-19 ) a ni.