CM-in Lengpui Airport a enfiah

Chief minister Zoramthanga chuan nimin zing khan Lengpui Airport tichangtlung tura hna thawh kal mek a hmunah a enfiah a, Airport Authority of India (AAI) aiawhte leh GAD Aviation Wing hotute nen hmalak dan an sawiho.

Lengpui Airport-a thlawhtheihna ṭumna leh tlânna (runway) khawk tawh Ieh rualrem lo Iaite thawm ṭhat hna thawh mek a ni a, chu'ng hna thawh mekte chu Chief Minister hian a enfiah a ni. Isolation parking bay siam te, thlawhna dahna hmun apron zauh te, air traffic control (ATC) siamṭhat te, runway end safety area (RESA) siam­- ṭhat turte an enho bawk.

Chief Minister hi chief secretary Lalnunmawia Chuaungo leh sorkar department ṭhenkhat hotute'n ṭawiawmin, AAI lam aṭangin AAI regional executive director Sanjeev Jindal leh general manager (Project) JT Radhakrishna-te'n an lo dawng sawng.