February 2 aṭangin Nadal leh Djokovic

Rafael Nadal leh Novak Djokovic te chu tun season bul ṭan nan ATP Cup-ah an ram aiawh in an inlan dawn a, ram leh ram tennis team hmang inelna hi February 2 aṭanga khelh tur a ni ang.

Champion lai Serbia leh Spain hi champion tura rinkai an ni dawn - Nadal leh Djokovic tan Australian Open inbuatsaihna a ni nghal dawn. Tournament hi Melbourne Park a khelh tur a nih avangin hmun danga zin chhuah a ngai lo tihna a ni.

ATP Cup-ah hian Dominic Thiem pawh Austria aiawhin a tel dawn a, world number 4 Daniil Medvedev pawh Russia tan a rawn ding chhuak bawk ang. Player langsar tan mahni ram aiawh an nih bakah Grand Slam inbuatsaihna a ni dawn.

Djokovic awmna Serbia hian an match hmasa berah Canada an hmachhawn dawn, group match dangah Alexander Zverev awmna Germany an hmachhawn leh bawk ang.

Russia chu ranking sang zual 10 zinga player pahnih thawh thei an ni dawn. Medvedev bakah Andrey Rublev an nei bawk. Argentina tan world number 9 Diego Schwartzman a awm dawn a, Asia ram Japan pawhin Kei Nishikori an nei dawn.