Chanmari Zothan Futsal an champion

Asian Paints Northeast Super 6 main final chu November 23, Inrinni khan Guwahati APRO Ground-ah khelh a ni a, India hmarchhak state pariat aṭangin team pakua an inel. Mizoram chhung inelnaa pakhatna Chanmari Zothan Futsal chu NorthEast-ah pawh a ṭha ber ni chhunzawmin an champion.

Chanmari Zothan Futsal hi group stage-ah Guwahati nen 1-1 in an inhnehtawk nghal a, hemi hnu hian Imphal (3-0), Shillong (1-0) leh Silchar (1-0) a hnehin semifinal an lut. Final khel tur zawnnaah Chanmari leh Dimapur te goal awm loin an inhnehtawk a, penalty shootout-ah 3-2 in an vannei. 

Final-ah Chanmari leh Gangtok, Sikkim an inkhel a, best player-a thlan Samuel Laltlanthanga'n goal awm chhun a khung. Mizo club hian match hmasa bera goal an chhuah tih loh chu an clean sheet vek a, keeper Vanlalhruaia Colney chu best goalkeeper atan an thlang.