Wilder a dingchang leh ta

American boxer rothap Deontay Wilder chuan a vawi 10 nan WBC world heavyweight title a humhim leh ta a, Luis Ortiz chu round sarihnaah chiang zetin a knockout. 

Las Vegas khawpuia inhnekah Ortiz hian hun tam zawk chu ro a rel a, round ruk chhung chu a hnek chhuak tam zawk a, Wilder a talbuai takzet. Mahse, round sarihnaah boxer rilru huaisen leh tawnhriat nei ngah danglamna a lo lang a, Wilder hian a kut dinglam hmangin chiang zetin Ortiz a hnek - Cuban boxer tan dinpui chi rual a ni lo a, ring chhungah tluin a tlawm. 

Ortiz-a'n ṭha taka a khel chungin a vanduai a, Wilder erawh Muhammad Ali nihrualin a vawi 10 nan a title a humhim - vawi 43 inhnek a hmachhawna vawi 41 a chakna a ni. Wilder chuan, "Uluk takin ka chhut a, ka hnek tlu thei tih hriain ka hna ka thawk ta a ni," a ti a, "Tyson Fury chu ka hmaa ding leh tur a ni," tiin British boxer a cho zui. 

Kum 30 mi Wilder chuan, "February-ah Fury ka hmachhawn ang a, chumi zawhah kawnghren dang hlawhchhuah tumin ka bei leh ang. "Mi hrang hrangin champion kawnghren an hrenna turin heavyweight division hi a lian tawk lo a, title kawl theih zawng zawng kawl phu chu keimah hi ka ni," tiin a sawi.