President's Cup 2019-ah Kulikawn hnehin Gorkha an champion
Cricket Association of Mizoram buatsaih President's Cup 2019 chu Inrinni khan khelh zawh a ni a, inkhel hmuhnawm takah Gorkha chuan vawi li ngawt champion tawh Gorkha chu wicket sarih (7) a hnehin an champion.
Durtlang Playground-a inkhelah Gorkha lam hi ṭhum vawrah an vannei a, vawm hmasak an thlang. Batsman nei ṭha Kulikawn tan vuak hmasak a huphurhawm hran lo a, ni danga an khelh dan thlir chuan target sang veh vawh tak an siam ngei rin a ni.
Mahse, beisei angin thil a thleng lo. Tun inelna bika che ṭha tak C. Lalrinsanga chu ball pali a hmachhawnah run li chauh siamin a 'out'. Parvez Ahmed 33 (36) leh Rosiamliana Ralte Jr 21 (37) ten an dinhmun siamṭha ve deuh mah se over 20 chhungin run 112 chauh an siam!
Gorkha tan Indra Kumar Chhetri-a'n run 23 chauh pe chungin wicket thum a la thei a, wicket hnih latu Rajesh Kumar nen an vawm ṭhat em avangin an batsman-te tan kawng thui tak an sialsak a, an team chu dinhmun ṭhaah an hlangkai.
Champion lai Bawngkawn South hnehtu Gorkha tan Saidul Barlaskar-a'n ball 30 a hmachhawn aṭangin run 67 zet a hlap chhuak a, a dam tluan - man of the match atan thlan a ni zui. Over 14.4 lekah an target umphakin 2009 hnu lama a vawi khat nan tualchhung cricket inelna lianah hlawhtlinna an chang.
Champion Kalkawng
Final
Gorkha bt Kulikawn
Gorkha lamin wicket 7-in hnehna an chang
Semifinal
Gorkha bt Zemabawk Pitchers
Gorkha lamin wicket 7-in hnehna an chang
Quarterfinal
Gorkha bt Bawngkawn South
Gorkha lamin wicket 5-in hnehna an chang
Last 16
Gorkha bt VRCC
Corkha hian wicket 8-in hnehna an chang
First Round
Gorkha bt Saron
Gorkha hian run 60-in hnehna an chang
Thlirna Tawi
Gorkha bt Kulikawn CC
Gorkha lamin wicket 7-in hnehna an chang
MoM: Saidul Barlaskar, Gorkha
Toss: Gorkha lamin vawm hmasak an thlang
Kulikawn: 112/9 (20)
Parvez Ahmed 33 (36); Rosiamliana Ralte Jr 21 (37)
Indra Kumar Chhetri 26/3 (3); Rajesh Kumar 19/2 (4)
Gorkha: 115/4 (14.4)
Saidul Barlaskar 67* (30); Sandeep 19* (28)
Moses 30/2 (3); Rosiamliana Ralte Jr 29/1 (2)
Best Batsmen Vikash Kumar, Kulikawn
Best Bowler Ngurthansanga, Zemabawk Pitchers
Player of the Series Vikash Kumar, Kulikawn