National Sports Awards 2025

Ministry of Youth Affairs & Sports chuan August 18, 2026 khan National Sports Awards 2025-a chawimawina dawng tur a puang. India rama infiammi tana chawimawina sang ber chu Major Dhyan Chand Khel Ratna Award a ni a, kuminah hian chawimawina sang ber dawng tur hi thlan a ni lo.

Major Dhyan Chand Khel Ratna hi 1991–1992 aṭanga sem ṭan a ni a, hemi hma hi chuan Arjuna Award hi infiammite tana chawimawina sang ber a ni ṭhin. Arjuna Award dawngte hnenah hian dar (bronze) hmanga siam Arjuna lim leh cheng nuai 15 pek an ni.

Kum 2021 aṭang kha chuan Arjuna Award dawng pha turin India rama chhunga chet ṭhatin awmzia a nei lo a; Olympic Games, Asian Games, Commonwealth Games, World Cup leh World Championship-a chet ṭhat a ngai. Cricket inelna bakah indigenous games leh pian phunga rualbanlote tan tehfung a dang hret thung.

Kumina Arjuna Award dawng tura thlan chhuahte infiamna hi athletics (3), badminton (2), boxing (1), chess (2), deaf shooting (1), hockey (2), kabaddi (2), para athletics (1), para shooting (1), rowing (1) leh shooting (1) te an ni.