Barcelona tan fimkhur a ngai

Spanish champion Barcelona chuan zanin dar 1:30 hian Champions League match an khel dawn a, Aston Villa an mikhual dawn - Catalan club an dam kim lo a, an fixture a hautak bawk avangin fimkhur taka inrem a ngai dawn.

Barca tan hliam vangin Dani Olmo a la chawl a, hetihlai hian Xavi Espart (kerek), Eric Garcia (malpui) leh Jules Kounde (kerek) te dinhmun a la chiang lo bawk.

Catalan club hi tun hnaiah an result a ṭha lo bawk a, an fimkhur a ngai dawn - Champions League-ah 4-2 ngawta Paris St-Germain an ngam loh hnu khan Real Madrid an tawng a, 2-1 in an tlawm zui.

Kartawp inkhelah Alaves chu 6-1 in sawp zui mah se, La Liga-ah an hnuai chiaha awm Atletico Madrid aia an sanna chu point hnih chauh a ni a, November 8, Pathianni zanah Atletico nen hian an inkhel zui dawn - Hansi Flick-a'n zaninah squad a siksawi thiam a ṭul ang.

Aston Villa-in Barcelona u en mah se, English club hi tun season UCL match thum an khelh tawhah an chak vek a, EPL-a match sarih a zawna chak tawh Manchester City hnehtu an ni bawk.

Mahse, Villa hian an league match hnuhnung berah Fulham chu 1-1 in an draw a, Barca laka chak tura dah ngam an la harsa rih.