Dinthar mipui an pui

Dinthar FC chak zo lo mah se tualchhung football-a an boruak lenzia an pholang a, final-ah an hmelma kumhlun Chanmari FC nen an inhmachhawn bawk avangin entu mipui an ṭhahnem. MPL history-a entu tam bera chhal ngham an pung khawm a, Chanmari lam pawh an duai chuang lo.

Dinthar coach Laldampuia chuan, "Kan hun ṭha kan bawhpelh a, a bul aṭanga kan ṭan leh a ngai hi a pawi ka ti. Mipuite khan nomawi an phu a, Dinthar aia football ngaina veng hi an awm chuang lo. Min ṭawiawmna avangin kan lawm takzet," tiin Vanglaini a hrilh.

RG Stadium-ah entu ṭhahem tak an pung khawm a, banner lian takah 'Dinthar FC - Kan sakhming a mawi hluan e' tih a inziak bawk. Chumi sirah chuan Dinthar FC tana pa hlu bik T. Vanlalhluna thlalak lian ṭha tak tarchhuah a ni a, Maimawms inbuatsaihna a ṭha a, champion phu khawpin thawk chhuak mah se football nunrawnzia an hmu.