Senegal lakah India an tlawm

FIFA Under-15 World Cup & Festival-a India-in group hmahruaitu nih an beiseina chu a tawp a, an match tawp berah Senegal chu 6-1 in an ngam lo - India U15 te hian match ngaah vawi thum hnehna changin, vawi khat an khingpui an draw a, vawi khat an tlawm.

Mahse, group tina hmahruaitu chauhin Tier A (Champion kalkawng) an khel dawn a, Senegal hi champion kalkawng lamah an tlang - India erawh Senegal bakah an hneh tawh Cameroon an phak lo a, Tier B-ah pawh inlan phak loin, Tier C lamah an inlan chhunzawm dawn a ni.

Senegal tan Abdoulaye Diallo chuan goal li ngawt khungin, Georges Kanfom leh Pierre Mbengue ten goal khat ve ve an khung bawk a, India tana Ronandev Aheibam-a goal khungin awmzia a nei phak ta lo a ni.

India tana bul ṭan zingah R. Lalremruatfela chu telin captain armband a hreng a, Remruatfela bakah hian Mizo player C. Lalhmingropuia leh Victor Lalawmpuia te chu India U15-a player 14 zingah an tel.

Remrema hian India U15 tan World Cup-ah hian goal nga a khung tling a, Mualṭhuam North naupang niin, FC Madras Football Academy aṭanga inzir chhuak a ni.

Champhai Venglai naupang C. Lalhmingropuia leh Ruallung naupang Victor Lalawmpuia (Ruallung) te hi Mizoram junior team player niin, Hmingpuia hian India tan captain armband-te pawh a hreng a, Reliance Naupang League U14 aṭanga U18 thlengin a khel vek - Victor hi Khelo Centre Saitual chhuak niin, tun hnaiah Lushai Academy a zawm.

India hian vawiin dar 1:00-ah match an khel lehnghal dawn a, Tier C-ah Round of 32 chu Honduras nen an khel ang - an chak chuan France leh Trinidad and Tobago inkhela chak zawk an hmachhawn leh dawn a ni.