Ka tho chhuak leh dawn - Russell

Mercedes driver George Russell chuan tun season-ah che ṭha tawk lo mah se, tluk hlen a tum lo a, a teammate Andrea Kimi Antonelli nen inthlau deuh mah se season tharah ropui zawka a kir leh tur thu a sawi.

Kum 28 mi Russell chuan, "I teammate-in nang aia season khat a hman ṭhat zawk avangin i indawm kun ang maw? a teuh lo. Nangni chuan ani (Antonelli) hi ṭha zawkah in ngai mai thei, mahse ka tho chhuak leh ngei dawn a ni," a ti.

British driver hian tun season bul ṭanna Australian Grand Prix-ah hnehna a chang nghal a, Chinese GP-ah pahnihna a ni leh bawk. Mahse hemi hnu hian tluk leh din a fawm a ni ber.

Russell hi vawi thum chak tawhin podium vawi riat a lawn tawh a, drivers table-ah pahnihnaah awm mekin point 242 a hmu a, point 123 zetin hmahruaitu Antonelli a pha tawh lo.

Italian driver Antonelli erawhin season duhawm a hmang a, record hrang hranga siam tawhin a ropui ber tur champion thei naupang ber nihna chu Mexican GP-ah a siam theih ngei a rinawm.

Silver Arrows (Mercedes sawina) driver pahnih inkarah khi awm anga sawi ni mah se a pha ve ve a, Russell chu Max Verstappen-a'n a thlak dawn nia sawi pawh a awm hman. Mahse Verstappen-a'n Red Bull-ah contract thar a ziak a, Russell-a dinhmun a nghing lo.