Luis de la Fuente a ṭha ber!

Spain coach Luis de la Fuente chu coach ṭha ber atan thlan a ni a, World Cup-a La Roja champion puitu coach a ni miau a, he chawimawina dawng tura a khumte pawh an hraw hlawm hle.

Arsenal tana EPL nomawi chawitu Mikel Arteta, Europa League-a Aston Villa champion puitu Unai Emery, Bayern Munich tana Bundesliga leh DFB-Pokal latu Vincent Kompany leh Paris St-Germain tana season zawna Champions League nomawi chawitu Luis Enrique te a khum.

Season hman zawh takah Barcelona hmeichhe team enkawltu Pere Romeu chuan nomawi pali a chawi a, Primera División, Copa de la Reina, Supercopa de España leh Champions League-ah te Catalan club a champion pui vek - hmeichhe football-a coach ṭha berah thlan a ni.