Mala'n Johnkenty a hneh

75th Inter Services Boxing Championship 2026-2027-ah Thawhlehni zan khan Malsawmtluanga chuan Johnkenty Vanlalhlimpuia chu 75-80 kg category semifinal-ah 4-1 in a hneh a, final a lut. Lunglei Electric Veng tlangval Mala hian vawiin tlai hian final-ah Army Green boxer Arman (Haryana) nen pakhatna tur an zawng ang.

Army Sports Institute, Pune-ah inelna hi neih a ni a, round hmasa berah 4-1 in a chak. Round hnihnaah inkhel tawk hretin Mala hi 3-2 in a chak hram a, round tawp berah a kum naupang hi chungnung chhunzawmin 5-0 in a chak leh bawk.

Mala chuan, "Pathian vang chauh a ni. A upat lamah ka tawng ve chauh a, kei ka vanglai a lo ni bawk nen, ka hneh ve hram a ni e," tiin Vanglaini a hrilh.

Mizoram ngeia intawn a châk thu sawi zuiin Mala chuan, "Vana hi hmachhawn nawn ka châk loh ber pawl a ni. Mahse, Mizo mipui hmaah Mizoram ngeia intawn erawh a châkawm hle. Vana tan a hun hnuhnung lam a ni dawn bawk a, a hlu khawp ang," tiin Mizorama inhnek theih dan awm se a tih thu a sawi.

Final tur chungchang sawi zuiin Mala chuan, "Arman nen hian inelnaah kan la inhmachhawn lo a, kan sparring ho tawh ṭhin thung. Pathian zarah hnehna chang ngei turah ka inngai," tiin a inringtawk hle.