Vawiinah MFA Inter College Futsal final

MFA buatsaih Made by Mizo Inter College Futsal Tournament final chu vawiin hian R. Dengṭhuama Indoor Stadium-ah khelh a ni dawn. Tlai dar 3:00-ah Govt Hrangbana College leh Govt Aizawl College ten hmeichhe final an khel ang a, dar 4:30-ah Govt T. Romana College leh Govt Hrangbana College ten mipa final an khel chhunzawm dawn.

Hmeichhe final khel tur Govt Aizawl College-in league round-ah Hrangbana College an hneh tawh avangin chak tura rinkai zawk an ni ang. Mipa lamah erawh Hrangbana College-in player ṭha an kawl hnem a, futsal khel thiam Lalsawmpuia, Lalrinzuala, Lalremruata (Gnie) bakah ISL club tan pawha khel ṭhin Lalthankima te an awm avangin T. Romana College lakah an buk a rit zawk ang.