Goal sarih khung thei Chanmari FC

Star Cement MPL13-ah nimin khan Chanmari FC-in Saikhamakawn FC 7-1 in an sawp a, table chung berah awmin League Winner beiseina an nei chhunzawm zel. Steven Dias hnuaiah Chanmari an insiamṭha chho a, coach thar hnuaiah Aizawl FC an hneh bawk avangin champion rinkai ber an ni leh ta.

RG Stadium-a inkhelah Chanmari tan Lalthanzuala, R. Ramditnhara, Lalliansanga leh FC Lalhmunmawia ten goal khat ṭheuh an khung hnuah Lalruatsanga'n hun tawp lamah goal hnih a rawn khung belh. SKK tan Kiran Chhetri-a'n first half-ah goal ropui khung mah se CFC chhaih khawlh tu mai a ni.