Pep-a'n City inkhel en a tum

Manchester City-in thubuai 115 an neiha thiam loh an chan aṭanga an muala inkhel hmasa berah Pep Guardiola-a'n inkhel a tum. City-in tunkar tawp hian Anfield-ah Liverpool an tlawh dawn a, October 14, Nilaini zan hian PSG nen Etihad Stadium-ah friendly match an khel dawn.

Spanish manager Pep chuan a club hluiin European champion lai PSG an hmachhawn tur hi a hmun ngeia en a tum. City manager hlui chuan, "Khawvel puma Manchester City ṭan zawng zawng hian Eithad Stadium-ah inkhel ka en dawn tih hi hria se ka duh. Engtik lai pawhin ka club, club neitu, chairman, Ferran Soriano, player-te, staff, Enzo Maresca leh fan-te hi ka thlawp reng ang," tiin a club hlui a ṭan na hle.

Guardiola chuan sawi chhunzawmin, "Kan sawi chiang ang e. Kan buaina hi inlungrualna nen kan paltlang ang. Ka hmangaih vek che u," a ti. Tun thla tir khan City hi 2009-10 leh 2017-18 season inkara Premier League financial regulations an zawm loh avangin thiam loh an chang a, contract lem hmangin £830mtd lai an thup. City hmalam hun a thim a, hetiang boruak karah hian Pep a tlan chhe lo a, a club hlui tan a ding.