Vawiin aṭangin MFA Inter College Futsal

MFA buatsaih MFA Inter College Futsal Tournament chu vawiin aṭangin R. Dengṭhuama Indoor Stadium-ah khelh ṭan a ni dawn. Inelna hi Mizo kut chhuak faktu Made by Mizo ten an sponsor a, inelna hming pawh Made by Mizo Inter College Futsal Tournament tih a ni.

Mipa inelnaah team sarih an awm a, group A-ah Govt Hrangbana College, Govt T. Romana College, Govt Zirtiri Residential College leh The ICFAI University te an awm a, group B-ah Govt Aizawl College, Govt Aizawl North College leh Govt J. Thankima College te an awm thung.

Hmeichhe inelnaah hian team thum chauh an awm a; Govt Aizawl College, Govt Hrangbana College leh The ICFAI University te an inel ang.