Olympic-ah medal a beiseiawm - Remsiami

India-in Asian Games-a gold medal a lak theih nana chakna goal khungtu Lalremsiami Hmar chuan Los Angeles Olympic 2028-ah India tan medal beiseina a awm thu a sawi. India hian Asian Games-a gold medal an lak avangin Olympic khel tur hian an tling nghal.

Kolasib nula Remsiami chuan, "Medal beiseina a sang. Olympic kan khelh hnuhnun ber kha chu kum li, kum nga liam ta a ni tawh a. Tuna kan team indin chhoh dan leh khelh dan en hian Olympic-ah medal a beiseiawm," tiin a sawi.

Remsiami chuan, "Pathian vanga medal la thei kan ni. Mimal tak pawha ṭawngṭaina chu, 'Gold medal kan lak chuan, Pathian ropuina ni rawh se,' tih a ni a. Chuvangin he gold medal hi Pathian ropui nan ka hlan. Kum 44 hnua India-in kan hlawh chhuah leh chauh a ni a, Mizo ṭhalaite tan ka hlan duh bawk. Gold medal hi phurna leh chona pettu ni ngei se ka duh a ni," tiin Pathian a dah pawimawh hle.