Mizoram pum huap Inter Village Futsal

Mizoram Football Association chuan October 22, 2026 aṭanga ṭan turin MFA Inter Village Futsal Tournament a buatsaih dawn. Inelna hi R. Dengṭhuama Stadium, Mualpuiah khelh a ni ang.

Village Council/Local Council pakhat huam chhung aṭangin team khat a chhuah theih ang a, entry fee hi Rs 2000 a ni ang. October 9, 2026 hmain entry fee hi 89742 30295-ah pek tur a ni.

Team khatah hian player 20 leh official pathum a awm theih ang a, matchday-ah player 14 leh official pathum a inziah luh theih dawn. Player endik nan hian voter ID leh aadhaar card hman a ni ang.

Kum 2006 leh a hnu lama piangte chauhin aadhaar card an hmang thei ang a, aadhaar card hmangte hian VC/LC hriatpuina lehkha an nei ngei bawk tur a ni Player endik chungchangah thutlukna siam harsa deuh a awm a nih chuan organising committee-in thu tawp a nei ang.

Hriatchian duh nei tan 84158 81653-ah zawhfiah theih a ni.