MFA-in match fixing vangin mi 3 hrem

Mizoram Football Association Disciplinary Committee chuan Kanan player pahnih David Lalchhuanawma leh Lalrintluanga bakah assistant manager Lalrammuana te chu MPL13-a match fixing/corruption kaihhnawiha an inhnamhnawih avangin a hrem.

MFA chuan MFA Disciplinary Code 2025 hmangin hremna hi a lekkawh a, match fixing-a inhnamhnawihte hi kum thum chhung MFA hnuai football-a inhnamhnawih thei lo tura hrem bakah Rs 10,000 chawi turin a ti a, kum thum chhung hian MFA buatsaih inelna hrim hrima khelmual chhunga luh a khap bawk.