Pro Fight : Zaninah inhnek 10 awm dawn

16th September, 2026

Mizoram Labour Link LPS Pro Fight 2026 zan riatna chu zaninah neih chhunzawm a ni leh dawn a, Pro Fight vawi 12-na hi mipuiin an hlut avangin entu an tam ṭhin a, a hmuna en tur tan kal hma a fuh ang

Zaninah flyweight leh lightweight-ah inhnek pathum ve ve a awm dawn a, bantamweight-ah pahnih awmin welterweight leh middleweight-ah pakhat ve ve a awm dawn bawk.

Zanin inhnek turah boxer ṭhenkhat hi kar hmasa lamah an lo inlan tawh a, chutihlaiin a tam zawk erawh an vawi khat inlanna tur a nih avangin inhnek hmuhnawm a beisei ngam.

Pro Fight hi LPS Arena, Falkland-ah neih a ni a, a hmuna en tur tan Rs 50 chawi a ngai. LPS YouTube channel-ah member tan a en theih bawk a, member nih man hi Rs 179 chauh a ni.