PSG chak chhunzawm dawn em?

Paris St-Germain chuan Pathianni zan dar 12:15-ah Brest an lenchilh dawn a, tun season Ligue 1 khelh tawh china beisei pha lo tak PSG hian hnehna an chang thei dawn em tih chu zawhna awm mek a ni a, rinhlelhna karah Luis Enrique leh a naute an inkhel dawn

Ligue 1 match thum an khelh tawhah PSG-in chak an la nei lo a, an match hmasa pahnihah Rennes leh Lille chu 2-2 in an inhnehtawkpui ve ve a, September 5, Inrinni zan khan Monaco 2-1 in an hneh lo bawk.

League match pathum an khelh tawhah an hmatawngten goal khung an harsat a, Barcelona aṭanga an lak Ferran Torres chiah an forward zinga goal khung a la awm. Ousmane Dembele, Khvicha Kvaratskhelia leh Desire Doue te an la nil.

Mahse Nilaini zan khan Champions League-ah Slovak club Slovan Bratislava chu 6-1 in an sawp a, Torres-a'n hattrick a siam bakah Dembele-a'n goal a khung leh tawh.

UCL leh Ligue 1 champion lai hian Brest lakah hnehna chan an tum a nih chuan an tlarhmate an pawimawh leh dawn a, anni bakah hian goal an mamawh ṭuma inlar ṭhin Vitinha leh Marquinhos te mawhphurhna a sang leh bawk ang.