Bayern-in Bodo/Glimt an sawp

German champion Bayern Munich chuan Ningani zan khan Champions League-ah 5-0 in Bodo/Glimt an hneh a, season hmasaa club lian ṭhenkhat ngam loh Norwegian club hi Bayern-in sawp turin harsatna an tawk ve lo.

Bayern tan Jamal Musiala, Harry Kane leh Alphonso Davies ten goal khat ṭheuh an khung a, Michael Olise-a'n goal hnih a khung bawk. Bodo/Glimt-in goal an khung ve theih loh bakah red card an chawi a, German club an khan lo hle.

Bavarians hi an chak bakah Jamal Musiala-a'n goal a khung leh tak avangin an lawm a zual. German midfielder hi pre season-ah vawi hnih ngawt a tlukm avangin an hlauthawng hman a, coach Vincent Kompany pawhin Musiala chhawr chu a 'risk' a san thu a sawi tawh.

Mahse Norwegian club lakah Musiala-a'n bul a ṭan a, goal ṭha tak a khung avangin a inringtawk leh sawt ang. Kum 23 mi Musiala hi minute 65-naa Ismael Saibari-a'n a thlak thlengin harsatna a tawk lo.

September 13, Pathianni zan dar 9:00-ah Bayern hian SV Elversberg an hmachhawn leh nghal dawn a, Belgian coach Kompany leh a naute chawl hman an ni lo.