Pro Fight: Zan thumna a pui lehzual

Mizoram Labour Link LPS Pro Fight 2026 zan thumna chu Ningani zan khan LPS Arena, Falkland-ah neih chhunzawm a ni a, inhnek 12 awmin technical knockout pahnih leh knockout pathum hmuh tur a awm a, kumin inelnaah zan khata a thlen tam ber ṭum a ni.

Churachandpur boxer Onminlen chuan split decision-in S Beikhaizachhi, Chakhei a hneh a, split decision-a chak awmchhun a ni. Hei bakah hian Onminlen hi kumina inelnaa tel zingah Churachandpur boxer tho, Thangboi hnua state pawn aṭanga hnehna chang hmasa ber a ni bawk.

Zan thumnaah hian Flyweight an tam ber a, inhnek pali a awm. Bantam leh lightweight-ah pathum ve ve awmin Welter-ah inhnek pahnih a awm bawk. Bout 12 awmah walk over leh match call off ngai a awm lo a, boxer zawng zawngte an inlan kim vek.