Fabregas-a'n Como chakpui nghal

Cesc Fabregas enkawl Como chuan an club chanchina an Champions League match hmasa berah hnehna an chang nghal a, RB Leipzig chu 4-1 in an sawp.

Como tan Martin Baturina, Tasos Douvikas, Assane Diao leh Maximo Perrone ten goal khat ṭheuh an khung a, Leipzig tana Andrija Maksimovic goal khungin awmzia a nei phak lo.

Kum 39 mi Fàbregas hian July 2024 khan khatihlaia Serie A kai hlim Como hi a enkawl ṭan a, Serie B club an nih laiin coach lailawk a lo ni tawh bawk. Serie A a kaihhruai hmasak berah 10-na nihpuiin, kum 1987 hnua Serie A-a an thlen san ber a ni.

Season hman zawh takah palina nihpuiin, a vawi khat nan UCL khel turin an inpetkai - RB Leipzig an sawp zui a, Arsenal, Barcelona leh Chelsea midfielder hlui Fabregas-a hnathawh fak loh theih a ni lo.

Como hi kum 2019 khan Indonesian company Djarum Group chuan an lei a, sum tam tak sengin, hma an sawnpui hle. Como president Mirwan Suwarso chuan, "Barcelona tana Johan Cruyff hlut ang chiahin kan tan chuan a hlu a ni," tiin an coach hi a fak.

Serie A club hian club lian zingah Manchester United, Paris St-Germain leh Barcelona an hmachhawn dawn a, a awlsam lo ang.