Araujo-a'n Liverpool a cham a duh

Barcelona captain, Liverpool-a loan-a khel mek Ronald Araujo chuan Anfield nuam a ti a, English club-ah hian cham chhunzawm a pawi ti lo niin khawthlang media-te chuan an tarlang.

Kum 27 mi defender hian Merseyside club hi season khat chhung loan-a khel turin a zawm a, mahse, Reds hian a ngheta pound maktaduai 47-a lei theihna dan an nei tel.

Araujo hian Reds tan match li khel tawhin, a la khel ṭha rih viau zel a, fans ho pawhin an ngaina sawt hle. Hetihlai hian club thuneitu lam pawh a khelh danah an lawm hle nia sawi a ni a, Araujo hi a ngheta an la zui a nih pawhin a mak lo ang.

Liverpool defender zingah Virgil van Dijk chu kum 35 a ni tawh a, kum 29 mi Joe Gomez nen an contract an hmang zo tawh dawn. Reds hian season tharah defender thar an mamawh dawn hrim hrim a, Araujo tan Nou Camp lama kir tawh lohna chance a sang viau.

Andoni Iraola kaihhruaina hnuaiah Liverpool an indinthar mek a, an league match hmasa pahnihah khingpui inhnehtawkpui mah se, an match thumnaah Ipswich Town (2-0) an hneh a, Champions League-ah Atletico Madrid (2-1) chu an hneh leh tawh bawk.

Liverpool hian zanin dar 7:30-ah league match khelin Fulham an mikhual zui dawn a, a zawna a vawi thum nan chak an beisei ang.