Magpies-a cham tur Hall

Manchester United pawhin rei tak an lo hel tawh, Newcastle United defender Lewis Hall chuan St James' Park-a khelh chhunzawm zel turin contract thar a ziak a, kum 2031 thleng Newcastle tan a khel dawn.

Hall hian a contract neih lai aṭanga tehin, kum hnihin a contract hi a pawt sei a, English fullback hian khaw dang hawi a tum rih lo. Hall chuan, "He club tana ka khel thei hi ka lawm a, fan-te tana ka inkhel thei hi nuam ka ti hle a ni.

"Fans tana club hlutzia ka hria a, an tana hlimna thlen theitu nih hi ka tan chuan a ropui hle. He club nen hi chuan inkungkaihna nghet tak kan nei a, chu chu ka tan a pawimawh hle.

"Ka chhungte hlim taka an awm theihna hi he club tana ka inkhelh chhan pakhat a ni a, Newcastle tana ka inkhel lai en hi an tana a hlutzia pawh ka hrethiam," a ti - kum 22 mi leftback hi a naupan lai aṭanga Newcastle ṭantu a ni.

Kum 2023-a Chelsea chhuahsana Magpies pantu Hall chuan sawi zawmin, "Newcastle-a ka châm thei hi ka lawm takzet. Season bul kan ṭan dan a phurawm em em a, coach thar Matthias Jaissle leh coaching staff tharte kaihhruaina hnuaiah beiseina sang tak ka nei a, thil ropui tak kan tihtheih ka beisei a ni," a ti.

Magpies coach Jaissle chuan, Newcastle tana match 106 khel tawh defender an thlung nghet thei chu a lawm thu sawiin, "Kan club tana player pawimawh tak a ni a, hmachhawp kan neih atante a hlu hle a ni.

"A rilru puthmang hi player naupanga hmuh tura ka beisei a ni. Ni tin zir belh a duh reng a, match tinah hmasawnna neih zel a duh. Player tam takin an tih theih loh tichungin tlarhnung a veng ṭhin.

"A puitling a, a fing bawk. A thiamna avangin attacking-ah a ṭangkai tel tho a, min tiphurtu ber chu, hma a la sawn zel ka beiseina hi a ni," a ti a, Lewis Hall an chelh thei chu a lawm thu a sawi.

Magpies hian beisei aiin season an hmang ṭha. League match thum khelh tawhah tlawm an la nei lo a, Liverpool (2-2) leh Bournemouth (2-2) te inhnehtawkpuiin, Tottenham Hotspur (2-0) an hneh a, League Cup-ah fourth round an lut tawh bawk - Thawhṭanni zan dar 12:30-ah Leeds United an lenchilh ang.