Zaninah US Open hmeichhe final

US Open hmeichhe final-ah seeded no. 1 Aryna Sabalenka leh seeded no. 2 Elena Rybakina te an inhmachhawn dawn a, zanin dar 1:30 bawr velah an inkhel ang. Tun ṭum inelnaah hian seeded sang paliin semifinal an lut a, final-ah a sang pahnih an inhmachhawn leh dawn.

Final thleng turin Sabalenka hian seeded no. 3. Jessica Pegula chu 7-5, 6-2 in a hneh a, Rybakina hian seeded no. 4 Coco Gauff a hneh thung. Sabalenka hi seeded no. 1 a nih bakah inelna hnuhnung pahnih champion a ni a, chutihrualin eng result pawh thleng se Thawhṭannia WTA ranking a chhuah hunah Rybakina hi world no. 1 a ni ang.

Kum 27 mi Rybakina tan US Open final hmasa ber tur a ni a, Grand Slam final vawi li a khelhna tur a ni. Australian Open leh Wimbledon-ah a champion tawh a, US Open nomawi chawi chunga world no. 1 nih a tum dawn. Kum 28 mi Sabalenka hian record a nei ṭha zawk a, hard court hi a thiamna niin Australian Open leh US Open-ah vawi hnih ve ve a champion tawh a ni.