Tlabunga in sa tur hnam dangte YMA phalna la hmasa turin hriattir

Tlabung Branch YMA chuan September 9, Nilaini zan khan thuchhuah siamin, an huam chhunga in sa tur hnam dangte chu kut an thlak hmain Tlabung Branch YMA hriattir hmasa ṭhin turin an hriattir.

Tlabung YMA chuan, an huam chhunga chenna in eng chi pawh sa tur hnam dangte chu YMA hnena thlen hmasa turin an hriattir a; YMA hriatpuina tel lo leh an remtihna tel loa in sak luih vanga harsatna tâwk an awm a nih chuan mawh an phurh loh tur thu an tarlang.

Hnam dang in sa turte zawm tur hriattirna an tihchhuah hi Tlabung YMA chuan nimin zing khan Tlabung Bazar huam chhungah hnatlangin an târ nghal a ni.