US Open-ah Sheldon-a'n Alcaraz a vaw tla

US Open mipa singles quarterfinal-ah nimin chawhma khan Ben Shelton chuan Carlos Alcaraz chu 6-7 (5-7), 6-1, 6-3, 1-6, 7-6 (10-7) in a hneh a, hnehna chang tur hian darkar li leh minute 28 a mamawh. Arthur Ashe Stadium-a inkhel a tawp meuh chuan anmahni hunah zing dar 3:30 a ni a, US Open-a inkhel zawh tlai ber ṭum a ni.

Seeded no. 2 Alcaraz hian banrek hliam vangin French Open leh Wimbledon-ah a inlan thei lo a, chutihrualin US Open-ah a chet ṭhat avangin champion thei hial tura ngaih a ni. Mahse, khawtual tlangval Shedlon-a'n thlawptu a nei ṭha a, entu mipuite 'U-S-A, U-S-A' tiin an au rual a, hnehna an au chhuak.

Arthur Ashe Stadium-ah inkhel hmuhnawm bik phochhuah a ni a, inkel zawhah entu mipuiin seeded no. 8 Shelton chu a phu ang ngeiin standing ovation an pe. Inkhelh ṭan hun hi New York-ah chuan zan dar 11:00 a ni a, Shelton tan chauh ni loin a tawp thlenga entute tan pawh hriat reng tlak a ni ang.

Sheldon hian kumin US Open hma hian ranking-a a sang pathum chin player vawi 17 a hmachhawn tawhah a la hneh ngai lo a, Alcaraz pawh hi vawi thum a hmachhawn tawhah a hneh lo vek. Mahse, a thiamna leh New York mipui puihnain hnehna a chang.

Kum 23 mi Sheldon hian kum 2023 khan semifinal a thleng tawh a, Grand Slam-ah final a la lut lo. Tun ṭumah hian seeded no. 8 niin a la dam zingah seeded no. 1 Alexander Zverev tiam lo a, ranking sang ber an ni.

Semifinal-ah Sheldon hian seeded no. 11 Frances Tiafoe a hmachhawn dawn. Tiafoe hian amah ang thoa American Alex Michelsen 5-7, 3-6, 7-5, 6-3, 7-6 (10-6) in a hneh.