Mizoram khingpui tur Manipur

Junior Boys’ National Football Championship for Dr. B.C. Roy Trophy 2026-27-ah Mizoramin vawiin chawhma dar 10:00 hian Manipur nen semifinal an khel dawn. Final hi September 9, Nilainiah khelh tur a ni a, Mizoram leh Manipur chak zawk hian West Bengal an hmachhawn ang. Inkhel hi SportsKPI YouTube channel-ah a thlawnin a en theih.

Mizoram hian match hmasa berah Maharashtra 2-0 in an hneh a, Tamil Nadu lakah 7-0 in an chak leh bawk. Inrinni zing khan Bengaluru Football Stadium-ah Mizoram hian group match hnuhnung berah Meghalaya an hmachhawn a, C. Lalhmingropuia'n goal hnih a khung bakah Malsawmtluanga'n a khung belh. Mizoram hi 3-0 in an chak a, point kua hmuin semifinal an lut. Semifinal-a Mizoram khingpui tur Manipur hian Assam leh Keralam an hneh hnuin group match hnuhnung berah Tel,angana nen 1-1 in an inhnehtawk. Zirtawpni khan group match an khelh zawh tawh avangin Mizoram aiin ni khatin inpuahchahna hun an ngah zawk.