Aizawl FC-in goal nga an khung leh tawh

Star Cement MPL13-ah Aizawl FC-in chak hmel an hmu chhunzawm zel a ni ringawt lo a, match tinah goal nga an la khung vek. Coach R. Lalruatfela hote hian Inrinni chhun khan kai thar Ramthar Veng an hmachhawn a, 5-0 in an sawp. Khawbel tlangval Zomuansanga leh Baktawng tlangval Vincent Lalduhawma ten goal hnih ve ve an khung a, Khawlailung tlangval K. Vanlalhriatzuala'n goal khat a khung belh bawk.