En châkawm Ramthar Veng vs Aizawl FC

Star Cement MPL13-ah Aizawl FC-in match thum an khelh tawhah goal nga an la khung vek a, vawiin chawhma dar 11:30 hian Durtlang Football Stadium-ah Ramthar Veng FC an hmachhawn dawn. Coach R. Lalruatfela hoten goal nga an khung tlin a rinawm tawh lo a, Ramthar Veng hi kai thar ni mah se Aizawl FC tan point hloh theihna an ni ang.

Ramthar Veng hian semifinal khel pha tur khawpin squad an din a, mahse Aizawl FC an hmachhawn hunah tlarhnung innghahna Joshua Vanlalrinliana Ngente chu Mizoram Police nen an inhnehtawk ṭuma hnawhchhuah a nih avangin a khel thei dawn lo.

Mahse, Ramthar Veng hi coach HC Zarzoliana enkawl an ni a; tawnhriat nei ṭha MS Dawngliana, Malsawmzuala leh Lalremruata te thlawp turin tun hnaia player chhuak thar ṭha PC Lalruatsanga leh T. Vanlalruata (Ruata Tlangte) te an awm a, Aizawl FC an hlau bik lo ang.

Chutihrualin Aizawl FC erawh team nghet ṭha an ni a, tlarhmaa Zomuansanga an nei a, Khawbel tlangval hian match thumah goal nga a khung tawh. Zomuana hi dan tham a ni a, a thlawptu Laltlanzova leh Ruata Tlangte u Sawma Tlangte te an la awm cheu. R-a hote hian table chung bera awm chhunzawm turin chak ngei an tum ang.