Villa-ah rawlthar duhawm Mbaye

Liverpool pawhin lakluh tuma an hel reng, Paris St-Germain winger Ibrahim Mbaye chuan Aston Villa zawm a, Europa League champion hi kum 18 mi forward manah hian pound maktaduai 47 an inseng.

Senegalese forward Mbaye hian kum nga chhung atan contract ziakin, kum khat dang pawhsei theih a ni - season hman zawh takah khan PSG tan inelna hrang hrangah match 31 khelin, goal thum a khung a, assist vawi hnih a nei.

Mbaye hi World Cup khelh zawh takah khan Senegal tan inlanin, match li an khelhah a inlan vek a, France laka 3-1 a an tlawmna inkhelah goal khungin, African player zinga World Cup-a goal khung thei naupang ber a ni.

Villa hian English centre-back Taylor Harwood-Bellis chu Southampton aṭangin an la lut bawk a, £25mtd pe phawtin, £4mtd dang chu a khelh ṭhat dan a zira pek leh tur a ni ang - kum nga atan contract a ziak.